Ég er ekki að rétta upp hönd / Útgáfuboð Svikaskálda

Útgáfuboð Svikaskálda

Ég er ekki að rétta upp hönd er ljóðverk eftir svikaskáldin:

Fríðu Ísberg,

Melkorku Ólafsdóttur,

Sunnu Dís Másdóttur,

Ragnheiði Hörpu Leifsdóttur,

Þóru Hjörleifsdóttur

og Þórdísi Helgadóttur.

Ég er ekki að rétta upp hönd kemur út 28. apríl og verður útgáfunni fagnað í Mengi sama dag milli kl 17 og 19. Þar munu svikaskáldin troða upp ásamt gestum. Boðið verður upp á léttar veitingar og áhugasömum gefst kostur á að fjárfesta í eintaki af bókinni. Einnig má tryggja sér ljóðverkið fyrirfram á svikaskald.com og sækja bók í hófið.

Svikaskáldin eru sex ljóðskáld sem komu saman í sumarbústað yfir helgi, lásu ljóð, skrifuðu ljóð, gengu á fjöll og veltu steinum. Afrakstur helgarinnar er ljóðverkið 'Ég er ekki að rétta upp hönd', safn 60 ljóða sem koma mismikið inn á tilveru konunnar.