Tilraunakvöld Listaháskóla Íslands / LHÍ Experimental Night

Hin víðfrægu Tilraunakvöld Listaháskóla Íslands hefja göngu sína á ný; næsta kvöldið verður haldið mánudagskvöldið 27. nóvember í Mengi við Óðinsgötu 2.

Í þetta sinnið verður Mengi umturnað í gallerý þar sem stór hluti þátttakenda eru nemendur hönnunar- og arkitektúrdeildar. Tveir styttri gjörningar verða sýndir í rýminu sem að öðru leyti verður undirlagt verkum í vinnslu af ýmsu tagi.

Dagskráin er því aðeins að litlum hluta tímasett, stærstur hluti atriðanna verður þess eðlis að hægt er að ganga á milli, virða fyrir sér og jafnvel smakka á. Hún er svohljóðandi:

Sýningar:

Innsetningarhópurinn Samsetningar

Mathilde Lalouette

Skyngjafi - matarupplifun

Nemendur í Meistaranámi í hönnun.

Gjörningar:

Videozine - Launching Issue N°0 - Hefst klukkan 20:15

Veðurveran Bob - Hefst klukkan 20:45

Aðgangur ókeypis og allir velkomnir.

Formleg dagskrá hefst klukkan 20. Húsið verður opnað klukkan 19:30.

∞∞∞∞∞∞∞∞∞

LHÍ Experimental Night at Mengi on Monday, November 27th at 8pm. Free admission - everybody welcome.

Íslenskt snitsel #3

Myndbönd ókunnugra skásetjara eru grunnurinn að íslenskum snitsel kvöldum, og ofan á þau bætast greiningar og sögur Janusar Braga Jakobssonar og tónlist Loja Höskuldssonar.

Nú fer að líða að #3 Snitseli af 4 og verður það af þyngri sortinni, í ætt við daginn í dagatalinu, sem er 29. nóv.

Dregið verður fram og gruflað í hinum myrkari hliðum hins íslenska skrásetjara. Húsið opnar 20:30 og prógrammið hefst kl 21. 1000 kall inn.

4. og seinasta snitselið í þessari lotu í Mengi verður 27. desember. Þar verða sagðar jólasögur með videóum annarra og alveg séns á því að það verði boðið upp á púns.