Tveir plús tveir eru fjórir en töfrar tónlistarinnar verða tvíefldir þegar þessi tvö tvíeyki takast á með trylltum tónum. Laugardaginn 10. júní verða Double Duo tónleikar í Mengi þegar tvö ung og upprennandi djassdúó leika eigin tónsmíðar blandaðar við spuna. Þau munu spila sitt hvort settið og hver veit nema flutningur hvors annars muni veita þeim innblástur til að stofna nýjan kvartett á staðnum…

Vinirnir og kollegarnir Bjarni Már Ingólfsson gítarleikari og Tumi Torfason trompetleikari leika frumsamda efnisskrá af tónlist og flétta henni saman við frjálsan spuna. Í dúóforminu hafa þeir fundið rými fyrir einbeitt samtal, heita rökræðu og hjartanlegt samkomulag. Þeir fara mjúkum höndum um tónsmíðar sínar, snúa þeim á alla kanta og leika af fingrum fram í formfestu og frjálsu falli. Þannig flæða þeir milli strúktúrs og óvissu í tónlistinni.

Tvíeykið hefur leikið saman í ýmsum verkefnum sem þeir taka þátt í eða leiða sjálfir en sem dúó unnu þeir í Skapandi sumarstörfum Reykjavíkur og héldu tónleikaseríu í miðbænum sumarið 2021. Þeir kynntust í Konunglega tónlistarháskólanum í Stokkhólmi þar sem þeir námu báðir djasstónlist og spuna. Saman hafa þeir komið fram á tónleikum og upptökum bæði þar úti og hér heima. Þeir Bjarni og Tumi eru tveir af efnilegustu djasshljóðfæraleikurum og tónskáldum sinnar kynslóðar og verður spennandi að fylgjast með þeim á næstu misserum.

Trompetleikarinn Hannes Arason og trymbillinn Hinrik Þórisson hafa spunnið saman hljóð og óhljóð í mörg ár. Þeir stunda báðir jazznám erlendis, Hannes í Stokkhólmi og Hinrik í Leeds, þar sem þeir hafa sett fókusinn á frjálsa tónlist og sækja innblástur hvor úr sinni senu sem mætist í einstakri samsuðu sem er þó grunduð í jazzhefðinni. Lúðrablástur og trumbusláttur mætast í óundirbúnum spuna þar sem blanda samspils og mótspils skapar kröftugt spennusvið. Tónlistin flæðir frá lægstu hvíslum upp í drynjandi skarkala, frá braki og bauli yfir í ljúfar laglínur.

Bjarni Már Ingólfsson - rafgítar

Tumi Torfason - trompet

Hannes Arason - trompet

Hinrik Þórisson - trommur

Húsið opnar 19:30 | Miðaverð 2.500 kr

---

Two plus two equals four but the magic of the music is multiplied when these two duos meet in a match of mad music-making. Saturday the 10th of June there will be a Double Duo concert in Mengi where two young and promising jazz duos play their own compositions mixed with improvisation. They will each play a set and who knows, maybe they will be so inspired by each others’ performances that they’ll form a spontaneous new quartet…

Guitarist Bjarni Már Ingólfsson and trumpeter Tumi Torfason will perform a program of original compositions with improvisation and interplay at the forefront. They blend together composition and free improvisation to go on a journey between structure and uncertainty. They met at the Royal College of Music in Stockholm where they both studied jazz performance. They are two of the most promising jazz musicians and composers of their generation and it will be exciting to keep a close eye on their work in the near future.

The trumpet player Hannes Arason and the drummer Hinrik Þórisson have weaved together sound and noise for many years. They both study jazz abroad, Hannes in Stockholm and Hinrik in Leeds, where they have set their focus on free improvised music and take inspiration from their respective music scenes to create a unique blend which is still grounded in the jazz tradition.

Bjarni Már Ingólfsson - electric guitar

Tumi Torfason - trumpet

Hannes Arason - trumpet

Hinrik Þórisson - drums

Doors 19:30 | Tickets 2.500 kr