*ATH - UPPSELT ER Á ALLAR SÝNINGAR AUSU Í MENGI*

Leikhópurinn Casta Diva setur upp AUSU eftir verðlaunahöfundinn Lee Hall í Mengi

,,Það er alveg sama hvað maður á bágt á meðan maður er að deyja, það er samt yndislegt að vera lifandi “

Ausa er einleikur sem fjallar um unga stelpu sem hefur fengið það flókna verkefni að kynnast dauðanum á barnsaldri. Hún segir sögu sínu og leggur af stað í mikið ferðalag um minningar sínar og hugmyndir um lífið og dauðann.

Leikritið var frumflutt sem útvarpsleikrit á menningarrás BBC í Bretlandi árið 1997 og hlaut ótrúlegar viðtökur. Ári síðar var verkið sviðsett fyrir BBC2, því var sjónvarpað og fór það svo seinna á leiksvið í Bretlandi. Hér heima var verkið flutt sem útvarpsleikrit árið 2001 og svo sýnt sem sviðsverk árið 2004.

Leikari: Steinunn Arinbjarnardóttir
Leikstjórn: Tómas Helgi Baldursson
Tónlist: Unnsteinn Manuel Stefánsson
Hljóðmynd: Unnsteinn Manuel Stefánsson og Gunnhildur Birgisdóttir
Þýðing: Jón Viðar Jónsson
Leikmynd: Skúli Sigurðsson
Ljósmyndir: Svanhildur Gréta Kristjánsdóttir
Grafísk hönnun : Júlía Runólfsdóttir 

Fyrir miðahafa minnum við á að nú er grímuskylda á öllum viðburðum Mengis þar til annað kemur í ljós. Grímur verða í boði fyrir þá sem ekki koma með sínar eigin.
Húsið opnar kl. 19:30 og leikritið hefst kl. 20:00.