PLEASE NOTE:
Book your seats at: https://forms.gle/fwaLpE1moAu9ezsC6
Facemasks are required for this event.

Saxófónleikarinn Tumi Árnason og trommarinn Magnús Trygvason Eliassen blása og slá til tónleika í Mengi laugardagskvöldið 24. apríl næstkomandi. Á tónleikunum verður flutt nýtt efni af komandi plötu kolleganna í bland við þjóðþekkta slagara úr smiðju tvíeykisins.
Tumi Árnason og Magnús Trygvason Eliassen gáfu út plötuna „Allt er ómælið“ árið 2019 við mikla kátínu óreglufíkinna jazznörda. Þótti það nokkuð vel heppnuð gandreið um lendur spunans, á tímum ærslafull en líka jafnvel örlítið hjartnæm við og við. Tvíeykið hefur másað og lamið sig í gegnum aragrúa tónleika undanfarin ár og hafa ritfærir hlustendur skrifað um þá á framandi tungumálum á borð við ítölsku, frönsku, pólsku og ensku.
Á komandi ári er væntanleg önnur breiðskífa frá tvíeykinu og hún gæti haft svörin við öllum helstu gátunum! Komið og hlýðið á heimsfrumsýningu á tónverkum á borð við: Rafskjár, T-Alienz og Endalaust!

Húsið opnar 20:30 | Miðaverð 2500kr.
—
Saxophonist Tumi Árnason and drummer Magnús Trygvason Eliassen perform a set of improvised music in Mengi on April 24th. The concerts will feature brand new material from their upcoming album along with material from their 2019 debut album, “Allt er ómælið”.

Doors 20:30 | Tickets 2500kr.