Pastel ritröð fagnar komu fjögurra nýrra rita með útgáfuhófi í Mengi laugardaginn 10. febrúar kl 15-16.
Allir áhugasamir eru velkomnir og er enginn aðgangseyrir að útgáfuhófinu.

Fjögur ný rit eru komin út í Pastel ritröð á vegum menningarstaðarins Flóru á Akureyri. Verkin eru eftir fjóra ólíka höfunda úr skapandi geiranum og er hvert ritanna gefið út í aðeins eitt hundrað árituðum og númeruðum eintökum. 

Þau eru þessi:
Pastel 06 Bjarni Jónsson: Skýrsla um síðbúna rannsókn.
Pastel 07 Karólína Rós Ólafsdóttir: Hversdagar.
Pastel 08 Vilhjálmur B. Bragason: Ritsafn II. Fyrsta bók höfundar.
Pastel 09 Hallgerður Hallgrímsdóttir: Límkenndir dagar.

Verkin eru hönnuð af höfundi ásamt Júlíu Runólfsdóttur hjá Studio Holt, en Júlía setti ritin einnig til prentunar. Ritin eru prentuð hjá Ásprenti-Stíl á Akureyri. 

Þessi fjögur nýju bætast við í hóp Pastel rita þeirra sem fyrir eru. Í júní í fyrra komu út fimm rit í þessarri sömu ritröð eftir þau Margréti H. Blöndal, Þórgunni Oddsdóttur, Kristínu Þóru Kjartansdóttur, Megas og Hlyn Hallsson.

Höfundar lesa úr eigin verkum og boðið verður uppá fisléttar vetrarlegar veitingar. 

Öll þau sem eru sérlega áhugasöm um samtal þvert á íslenskar frásagnir, myndlist, bókverkagerð, hversdagsleika og ritlist hvött til að mæta og að hlýða á höfunda, ræða við þau og rýna í verkin.

Verk í Pastel ritröð eru til sölu í Safnbúð Listasafns Íslands í miðborg Reykjavíkur og í Flóru í miðbæ Akureyrar.

∞ ∞ ∞ ∞ ∞ ∞ ∞ ∞ ∞ ∞

Pastel Publishers present four new books and publications in collaboration with Flóra, Akureyri. The launch takes place in Mengi on Saturday at 3 pm. Light refreshments and free entry! The authors have signed each copy and will read excerpts from their work.

Pastel 06 Bjarni Jónsson: Skýrsla um síðbúna rannsókn.
Pastel 07 Karólína Rós Ólafsdóttir: Hversdagar.
Pastel 08 Vilhjálmur B. Bragason: Ritsafn II. Fyrsta bók höfundar.
Pastel 09 Hallgerður Hallgrímsdóttir: Límkenndir dagar.