ATH!
Því miður verður tónleikum Umbru sem áttu að fara fram í kvöld frestað vegna veikinda. Ný dagsetning verður ákveðin síðar.

PSA!
Unfortunately, due to illness, tonight’s concert with Umbra has been postponed. We apologise for the inconvenience.

Umbra flytur norræn þjóðlög og sagnadansa ásamt Maríusöngvum og dönsum frá Katalóníu, nánar tiltekið úr hinu fræga handriti Llibre vermell.

UMBRA var stofnuð haustið 2014 og er skipuð fjórum atvinnutónlistarkonum;

Alexöndru Kjeld, Arngerði Maríu Árnadóttur, Guðbjörgu Hlín Guðmundsdóttur og Lilju Dögg Gunnarsdóttur. Hafa þær í sameiningu skapað sinn eigin hljóðheim sem hefur fornan blæ og oft dimman undirtón. Umbra leggur áherslu á að skapa eigin útsetningar á fornu tónefni og vinna markvisst með þann hljóðheim sem hlýst af samsetningu upprunahljóðfæra og samsöngs.

Umbra gaf út tvær plötur hjá plötuútgáfunni Dimmu árið 2018. Annarsvegar plötuna “Úr myrkinu” sem kom út í apríl 2018 og inniheldur forn lög úr evrópskum handritum sem tengjast dekkri hliðum mannlegrar tilveru og svo hinsvegar jólaplötuna “Sólhvörf” sem kom út í nóvember 2018.

Báðar plötur Umbru hlutu tilnefningu til Íslensku tónlistarverðlaunanna 2018 sem plata ársins í flokki þjóðlagatónlistar og bar sú síðari, “Sólhvörf”, sigur úr býtum á hátíðinni þann 13. mars s.l.

Umsögn dómnefndar um plötuna:
“Á Sólhvörfum tekur Umbra hlustandann í heillandi ferðalag þar sem tónlist tengd dimmum vetrardögum er í forgrunni. Lögin eru sum hver vel þekkt en önnur minna, en eiga það sameiginlegt að vera framúrskarandi útsett og flutt af þessum frábæra hópi tónlistarkvenna. Virkilega vönduð plata.”

Húsið opnar kl. 20:30 | Miðaverð er 2.500 krónur.