(English below)
In Duo With er stutt tónleikaröð þar sem Ingi Bjarni píanóleikari fær til sín gesti, spjall og tónleikar. Gestur á þessum tónleikum er flautuleikarinn Björg Brjánsdóttir.
Húsið opnar kl. 20:30. Viðburðurinn hefst kl. 21:00. Miðaverð er 2.500 kr.
Miðapantanir fara fram hér: https://forms.gle/WLamSKd6bYCjf54d9
Björg Brjánsdóttir útskrifaðist af einleikarabraut frá Tónlistarháskóla Noregs í Osló vorið 2017 og hefur auk þess stundað nám í þverflautuleik við Tónlistarháskólann í Hannover, Tónlistarháskólann í München og Konunglega danska Tónlistarháskólann. Þar hafa aðalkennarar hennar verið Anna Dina Björn-Larsen, Andrew Cunningham, Per Flemström og Stephanie Hamburger. Björg er stofnandi kammersveitarinnar Elju sem hefur verið áberandi í íslensku tónlistarlífi undanfarin misseri. Hún er einnig fastur flautuleikari tónlistarhópsins Caput sinnir reglulega ýmsum hljómsveitarverkefnum þ.á.m. með Sinfóníuhljómsveit Íslands og hefur undanfarin ár spilað í flautuseptettinum Viibru á tónleikaferðalagi Bjarkar Guðmundsdóttur og þar áður við gerð plötu Bjarkar, Útópíu. Björg er starfandi stjórnandi Skólahljómsveitar Austurbæjar.
Tónleikaröðin leggur áherslu á íslenskt tónlistarfólk sem fæst við spunatónlist af ýmsum toga. Ingi Bjarni leiðir stutt spjall við gestina þar sem spjallað er um tónlistarsköpun, tónlistarferil viðkomandi, spuna og fleira. Eftir spjallið þá spila Ingi Bjarni og gesturinn saman. Tónlistin er annað hvort eftir gestinn eða spunnin á staðnum. Alls verða sex tónleikar á tónleikaröðinni. Myndbandsupptökur frá tónleikunum verða jafnóðum settar á YouTube og spjallið textað á ensku. In Duo With er styrkt af Tónlistarsjóði.
-- English --
In Duo With is a short concert series where pianist Ingi Bjarni plays and talks with Icelandic musicians. There is a focus on artists that improvise. The music is improvised spontaneously or composed by the guest. The guest on this evening is flute player Björg Brjánsdóttir.
Doors at 8:30pm. Event starts at 9pm.
Admission: 2.500 kr.
Reserve your tickets here: https://forms.gle/WLamSKd6bYCjf54d9
The series is funded by Music Fund (Tónlistarsjóður).